رولز الجبنة
المقادير:2 كوب دقيق ( استخدمت الدقيق الكويتى )
2 معلقة كبيرة زيت زيتون
2 معلقة كبيرة لبن بودرة
2 معلقة صغيرة خميرة فورية
نص معلقة صغيرة بس مليانة بيكينج باودر
ربع معلقة ملح
معلقة صغيرة سكر
كوب ماء ( ممكن أقل او اكتر حسب نوع الدقيق )
الحشوة
حبة البركة
جبنة بيضاء فيتا
جبنة موتزريلا
جبنة روكفورد
و blue cheese التحضير:هنحط كل المقادير الجافة مع بعض و نقلبهم ( يعنى بدون الزيت و الماية )
و بعدين نحط عليهم الزيت و نخلط
و بعدين نضيف الماية شوية شوية ( ماتضيفيش كل الماية مرة
واحدة عشان ممكن يكون الدقيق اللى بتستخدميه مش محتاج
كل كمية الماية دى )
انا عن نفسى بستخدم الدقيق الكويتى و ماستخدمتش كل
كمية الماية اللى كانت فى الكوباية
هتلاقي العجينة لمت معاكى بس لسه بتلزق جامد
رشى الرخامة او الترابيزة بالدقيق و حطيها عليه ( مش هتشرب
دقيق ياما خلى بالك اوعى تحطيلها دقيق كتير هتنشف و تبوظ )
و ابدأى عجن فيها هتلاقيها لمت كويس معاكى بس لسه بتلزق
لما تيجى تفرديها ( ممكن تبلى ايديك بنقطة زيت و انتى
بتعجنيها لو بتلزق جامد اوى )
انما لما تيجى تلفيها فى ايدك ماتلاقيهاش بتلزق
و حتى الرخامة مش هتلاقى عليها حاجة لازقة
سيبيها تخمر بقى ساعتين و ماتستعجليش عليها الطبخ: بعد ما تخمرنرش شوية دقيق و نحط العجينة عشان نفردها
نجيب الجبنة اللى هنحشي بيها الروكفورد
هنبشر حته صغيرة على العجينة تدى نكهة
هنحط شوية من الموتزريلا و بعدين الجبنة البيضاء و بعدين نبشر
الجبنة الريكفورد و نحط حبة البركة و بعدين نرجع نحط موتزريلا
تانى عشان حبة البركة تبقى متغلفة بالجبنة ونبدأ نلف الرول
كده لفيته اقفلى الأطراف ( ممكن تبلى صوابعك بماية و تقفلى العجينة من الأطراف )
و قطعيها كانك بتفطعى السينابون
و حطيتها فى صينية مفروشة بورق زبدة ( ممكن تحطيها فى صينية مدهونة زيت و مرشوشة دقيق ) ملاحظات:وممكن تحشيها باللحمة المفرومة و عليها طماطم و فلفل متقطعين
و تحطيها فى صينية المافن بس رشيها الأول بزيت و دقيق
ولما طلعت رشيت شوية موتزريلا و دخلتها الفرن تانى الجبنة ساحت و طلعتها على طول
انتى ممكن تحشيها بأى حاجة ممكن كمان حشوة البيتزا كتغيير برضه
